Тилсиз жоо: Кызыл-Кыялда борбордук базардан өрт чыкты
- 3 года мурун
Кызыл-Кыя шаарынын борбордук базарынан өрт чыгып, анын кесепетинен 2500 чарчы метр аянт күйүп кетти.
Бул тууралуу Өзгөчө кырдаалдар министрлигинин басма сөз кызматы маалымдады.
Маалыматка ылайык, кечээ, 8-сентябрда Баткен облусунун Кызыл-Кыя шаарынын борбордук базарында кездеме сатуучу дүкөндөн өрт чыккан. Өрттү өчүрүүгө ӨКМден жалпы 5 бөлүм жана 32 куткаруучу тартылган. Өрт саат 05:35те толук өчүрүлгөн.
ӨКМдин билдирүүсү боюнча, учурда өрттүн келип чыгуу себеби жана келтирилген материалдык чыгымдардын көлөмү такталып жатат.
Сүрөт: Интернет булактарынан алдынды.
Муну бөлүшүү
