Бир мандаттуу шайлоо округдары түзүлө баштады
- 3 года мурун
Шайлоо жана референдум өткөрүү боюнча борбордук комиссиясынын бир мандаттуу шайлоо округдарын түзүү маселелери боюнча ведомстволор аралык жумушчу тобунун биринчи жыйналышы 19-августта өттү.
Бул топ Жогорку Кеңештин депутаттарын шайлоону даярдоо алкагында БШК мүчөлөрүнөн, ЖК депутаттарынан, ошондой эле мамлекеттик органдардын жана жергиликтүү өз алдынча башкаруу органдарынын өкүлдөрүнөн түзүлгөн.
Анда Жалал-Абад, Баткен, Нарын, Ысык-Көл, Талас, Чүй облустарынын жана Бишкек шаарынын шайлоо округдарынын схемаларынын жана чек араларынын долбоорлору талкууланып, сын-пикирлер, сунуштар айтылды.
Бул тууралуу БШК басма сөз кызматы билдирди.
Белгилей кетсек, алдыдагы парламент депутаттарын шайлоо шайлоонун аралаш тутуму боюнча өтөт.
Сүрөт: БШК басма сөз кызматы.
