Токмок аймактык комиссиясы добуштарды кайра саноо чечимин кабыл алды
- 3 года мурун
Токмок аймактык шайлоо комиссиясы аталган шаардын бардык шайлоо тилкесинде шаардык кеңешке кайра шайлоодо добуштарды кайра саноо чечимин кабыл алды.
Бул тууралуу Токмок аймактык шайлоо комиссиясынын 16-июлдагы чечими Борбордук шайлоо комиссиясына түштү.
Токмок аймактык комиссиясына “Эмгек” жана “Асыл мурас-Жаштар” саясий партияларынан арыз түшкөн. Алар айрым шайлоо участокторунда добуштар кол менен саналбай калганын белгилешти.
Мыйзам боюнча добуштарды кайра саноо БШК мүчөсүнүн катышуусунда өтүшү керек.
11-июлда Бишкек, Ош жана Токмок шаарларында шаардык кеңештердин депутаттарын шайлоо өттү.
Муну бөлүшүү
