Июлдун аягы менен коронавирустун жайылышы басаңдайт
- 3 года мурун
Кыргызстанда июль айынын аягына чейин коронавирус оорусунун жайылышы азаят.
Мындай маалыматты саламаттык сактоо жана социалдык өнүгүү министри Алымкадыр Бейшеналиев билдирген.
Бул илимий божомол экенин айткан министр:
«Биз профилактикалык иш-чараларды жүргүзүп жатабыз. Калкты активдүү эмдөө башталды» деген.
Буга чейин Кыргызстанда COVID-19 илдетинин үчүнчү толкуну туу чокусунун жеткенин, калкты активдүү эмдөө алууга чакырган Алымкадыр Бейшеналиев:
«Вакцинация ковиддик кризистен чыгууга, өлкөнүн бардык аймактарын коопсуз, коронавируссуз, кадимки жашоого кайтып барууга жардам берет деп күтүп жатабыз. Ар бир жаран өз жоопкерчилигин сезиши керек»,-деген.
Фото интернеттен алынды
Муну бөлүшүү
