​«Саясий кастыкты козутуу» тууралуу мыйзам биринчи окууда кабыл алынды

Өкмөт «Кыргыз Республикасынын айрым мыйзам актыларына өзгөртүүлөрдү киргизүү жөнүндө» мыйзам долбоорун сунуштап, Жогорку Кеңеш биринчи окууда кабыл алып берди.

Ал өзгөртүүлөр боюнча Жазык кодексине жана Жазык – процессуалдык кодексине терроризм жана экстремизмге каршы күрөшүүнүн алкагында «Саясий кастыкты козутуу» жоопкерчилиги киргизилгени турат.

Бул мыйзам долбоорунун негиздеме-документинде:

«Акыркы күндөрү республика аймагында айрым диний – экстремисттик уюмдардын Кыргыз Республикасынын бүтүндүгүнө, мамлекеттик жана коомдук – саясий түзүлүшүн күч менен өзгөртүүгө багытталган Кылмыш жаза кодексинде көрсөтүлгөн кылмыштык ишмердүүлүгү байкалууда.

Шанхай Кызматташтык Уюмунун 2017-жылдын 9-февралындагы конвенциясында «экстремизм», «экстремисттик акт» менен катар эле экстремиттик аракеттердин өзүнчө «саясий экстремизм» түрү каралган. Ушугу байланыштуу Кылмыш жаза кодексинин учурдагы редакциясынын 314-беренесинин 1- бөлүгүнө өзгөртүүлөрдү киргизип, экстремисттик уюмдардын ишмердүүлүгү тууралуу түшүнүккө саясий кастыкты козутуу жоопкерчилигин киргизүү сунушталууда» — деп жазылган.

Бийлик бул мыйзамды саясий каршылаштарына каршы курал катары пайдаланаары айтылып, жарандык коомдун кескин сынына кабылды.

Фото интернеттен алынды