200 миңден ашык куту тамеки тоңдурулган тамак-аштын арасында ташылып келген
- 2 года мурун
Улуттук коопсуздук боюнча мамлекеттик комитети (УКМК) тарабынан «Чалдыбар-унажолу» өткөрүү пунктунан аткезчилик жол менен 211 миң кутудан ашык тамеки каражаты кармалды.
Бул тууралуу УКМКнын басма сөз кызматы кабарлады.
24-августта Кыргыз Республикасынан чыгып баратканда тамеки буюмдарын мыйзамсыз ташып бара жаткан жүк ташуучу унаа кармалган.
Анда мыйзамсыз аракеттерди жашыруу максатында 211 миң куту тамеки буюмдары тоңдурулган тамак-аштын арасына бекитилип, тиешелүү уруксат документтери жок ташылып келген.
Маалыматтар боюнча, конфискацияланган контрабандалык товардын баасы 21 миллион сомдон ашык, ал эми төлөнүүчү салыктын суммасы 9 миллион 495 миң сомду түзгөн.
Учурда тергөө-ыкчам иш-чаралары жүргүзүлүп жатканы кабарлады.
Сүрөт: УКМК басма сөз кызматы.
