Нарында бир суткада 9 медкызматкер коронавирус жуктуруп алды
- 4 года мурун
20-майдагы маалымат боюнча, бир сутка ичинде Нарын облусунда 9 медициналык кызматкер коронавирус жуктуруп алганы аныкталды.
Бул тууралуу маалымат жыйынында саламаттык сактоо министринин орун басары Нурболот Үсөнбаев билдирди.
Ал эми өлкө боюнча стационардан 3 медкызматкер сакайып чыкты.
Жалпысынан республика боюнча COVID-19 диагнозу менен 266 медициналык кызматкер катталды. Алардын ичинен 221 медкызматкер айыгып чыккан.
Буга чейин Нарын шаарынын биринчи вице-мэри Давид Курманов коронавирус жуктуруп алганы маалымдалган.
20-майга карата республикада бир суткада COVID-19 инфекциясынын жаңы 27 учуру катталып, жалпы саны 1270ке жетти.
Сүрөт: Интернет булактарынан.
Муну бөлүшүү
