Мектептер азырынча иштебейт. Балдар бакчаларычы?
- 4 года мурун
Жалпы билим берүү мекемелери азырынча иштебейт.
Бул тууралуу биринчи вице-премьер-министр Кубатбек Боронов маалымат жыйында маалымдады. Себеби инфекция жуктуруп алуу тобокелчилиги жогору.
-Ал эми балдар бакчалары боюнча, алардын ачылышы 1-июнга жылдырылды. Эгерде эпидемиологиялык кырдаал турукташса, анда аларга иштегенге уруксат беребиз,- деп билдирди Боронов.
16-марттан баштап Кыргызстанда мектептер менен жогорку окуу жайлар үч жумага карантинге жабылган.
Дүйнөлүк саламаттык сактоо уюму (ДСУ) 11-мартта коронавирус пандемия мүнөзүнө өттү деп жарыялады.
Инфекциялык оорулардын пайда болуу жана жайылуу коркунучу келип чыккан учурда убактылуу чектөө иш-чаралары (карантин) киргизилет,
Республикада 1-майдан жана 11-майдан тартып бир катар ишкана-уюм, мекмелерге иштөөгө уруксат берилген.
19-майга карата бир суткада Кыргызстанда COVID-19 инфекциясынын 27 учуру катталып, жалпы саны 1243кө жетти.
