Нарында ПЧР-анализ ала турган көчмө лаборатория иштей баштады
- 4 года мурун
Көчмө лаборатория облустук санитардык-эпидкөзөмөл борборуна жайгашып, 23-апрелден бери иштей баштады.
Бул тууралуу коронавирустун алдын алуу жана ага каршы күрөшүү республикалык штабы билдирди.
Көчмө лабораторияда 4 адис иштейт, алардын үчөө Бишкек шаарынан барды.
Анда күнүнө 100 ПЧР-анализ алып чыгарууга мүмкүнчүлүк бар.
Нарын облусунда коронавируска чалдыккандардын саны өсүүдө. 26-апрелге карата облуста COVID-19 вирусунун 85 учуру аныкталган. Атап айтсак, Ат-Башыда — 64, Жумгал районунда — 10, Нарын шаарында — 8, Кочкор районунда 3 учур аныкталды.
26-апрелге карата республика боюнча СOVID-19 инфекциясынын жаңы 17 учуру катталып, жалпы саны 682ге жетти, 8 киши каза тапты.
Республика боюнча бүгүнкү күнгө чейин жалпы 370 бейтап айыгып, ооруканадан чыгарылды.
Сүрөт: Республикалык штаб.
