Коронавирус жуктурган прокурор реанимацияда дарыланууда
- 4 года мурун
Коронавирус жуктурган прокурор реанимацияда дарыланууда.
Бул тууралуу саламаттык сактоо министринин орун басары Нурболот Үсөнбаев 24-апрелде маалымат жыйынында билдирди.
-Прокурор реанимацияда дарыланып жатат. Биздин врачтар аны айыктыра алат деп ишенем, -деди министрдин орун басары.
Анын айтымында, бу күнгө карата COVID-19 диагнозу менен стационарда 326 киши жатат, алардын ичинен бешөө — реанимацияда.
Республика боюнча бүгүнкү күнгө чейин жалпы 322 бейтап айыгып, ооруканадан чыгарылды. 8 киши каза тапты.
24-апрелге карата республика боюнча СOVID-19 инфекциясынын жаңы 25 учуру катталды. Коронавируска чалдыккандардын жалпы саны 656 болду.
Кыргызстанда 22-апрелде укук коргоо органдарынын 12 кызматкери COVID-19 вирусун жуктуруп алгандыгы тастыкталган.
Иллюстрациялык сүрөт: Республикалык штаб.
