Кытай коронавирусту аныктоо үчүн тест реагенттерин берди
- 4 года мурун
Кытай өкмөтү Кыргызстанга COVID-19 вирусун ыкчам аныктоо үчүн 21 000 даана SARS CoV-2 Antibody test реагентин берди.
Бул тууралуу коронавирустун алдын алуу жана жайылышын болтурбоо боюнча республикалык штаб билдирди.
Тапшыруу иш-чарасы КР саламаттык сактоо министри Сабиржан Абдикаримовдун, Кытай элчиси Ду Дэвэндин жана КР ТИМ экинчи саясий департаментинин директору Төлөндү Макеевдин катышуусунда өттү.
Экспресс-тесттер 20 мүнөттүн ичинде коронавирусту аныктап, вирустун жайылуусунун алдын алууга мүмкүндүк берет.
Дартты аныктоодо серологиялык реакция оң чыкса, милдеттүү түрдө ПЧР-анализ (Полимераздык чынжырдуу реакция) жүргүзүлөт.
Экспресс-тест Кытай, Түштүк Кореяда жана башка мамлекеттердеги жаңы коронавирусту аныктоодо жакшы жыйынтыктарды көрсөткөн.
Кыргызстанда 2-апрелге карата коронавируска чалдыккан 5 жаӊы учур катталып, жалпы саны 116 га жетти.
Сүрөт: Республикалык штаб.
