Үч бейтаптын абалы оор
- 4 года мурун
29-мартка карата Кыргызстанда коронавирус инфекциясын жуктургандардын үчөөнүн абалы оор, алар — реанимацияда. Эки бейтап — Өзгөн районунда, бирөө — Сузак районунда экенин саламаттык сактоо министрлигинин ыкчам штабынын жетекчисинин орун басары Касымбек Мамбетов маалымат жыйынында билдирди.
Өлкө боюнча обсервацияда жаткан жарандардын саны – 4886. Үй карантинде көзөмөлдөнүп жаткандардын саны 3338 экендиги айтылды.
29-мартта саат 12:00гө карата Кыргызстанда коронавирус инфекциясын жуктурган 26 жаӊы учур катталды. Бардыгы 84 болду.
Коронавирус коркунучуна байланыштуу 25-марттан тартып, Бишкек, Ош, Жалал-Абад шаарларында, Ноокат, Кара Суу, Сузак райондорунда өзгөчө абал киргизилген.
Дүйнөдө 29-мартта (саат 10:45 жергиликтүү убакыт) коронавируска чалдыккан 664 695 учур катталды. Каза тапкандардын саны 30 847 ге жетти. Айыккандардын саны 140 156 болду.
Сүрөттө: 102, 103-кызматтары. Республикалык штаб.
