Кыргыз-түрк ооруканасы коронавирус менен күрөшүүгө берилди
- 5 лет мурун
Кыргыз-түрк достугунун ооруканасы коронавирус илдети менен күрөшүүгө берилди.
Бул тууралуу Түркиянын Кыргызстандагы элчилиги билдирди.
Элчиликтин билдирүүсүндө мындай деп айтылат:
“Глобалдык масштабда COVID-19 коронавирус илдети менен күрөшүп жаткан учурда бири-бирибизге колдоо көрсөтүү жана жапа тырмак аракет кылуу эң негизги маселе болуп саналат.
Бул алкакта Бишкек шаарында курулган Түркия-Кыргызстан Достук ооруканасын Кыргыз Республикасынын саламаттык сактоо министрлигине, COVID-19 илдети менен күрөшүүгө байланыштуу колдонулуу үчүн берилгендигин маалымдайбыз» деп айтылат анда.
25-мартка саат 09:00гө карата Кыргызстанда коронавирус инфекциясын жуктуруунун жаӊы учуру катталган жок.
24-мартта Кыргызстанда коронавирус жуктурган 26 адам катталды, ошону менен жалпысынан 24-мартка карата бул илдетке чалдыккандардын саны өлкөдө 42ге жетти.
