Кыргызстандыктар Латвия университеттеринде акысыз билим ала алат
- 4 года мурун
Кыргызстандын жарандары Латвиянын жогорку окуу жайларында билим алуу үчүн аталган өлкөнүн мамлекеттик стипендиялык программасына катышса болот.
Бул тууралуу билим берүү жана илим министрлигинин басма сөз кызматы билдирди.
Бул: бакалавриат, магистратура жана докторантура программалары (10-11 ай), илим изилдөө мекемелеринин же жогорку окуу жайларынын кызматкерлери үчүн илимий же илим изилдөө иштерин жүргүзүү, студент жана профессордук-окутуучулар курамы үчүн жайкы мектеп.
Окутуу латыш жана англис тилдеринде жүргүзүлөт.
Документтер 2020-жылдын 1-апрелине чейин кабыл алынат.
Стипендиялык программанын шарттары, талаптары жана башка жагдайлары боюнча кеңири маалымтты бул шилтемеден алсаңыз болот — www.viaa.gov.lv/scholarships .
Белгилей кетсек, Кыргызстан менен Латвия өкмөтү 2016-жылы октябрь айында билим берүү жана илим жаатындагы кызматташуу боюнча макулдашууга кол коюшкан.
