Денесинде ур-токмоктун тагы болгон эки жашар бала чарчап калды
- 5 лет мурун
Жалал-Абад облусунун Сузак районунда эки жашар бала чарчап калды. Алдын-ала маалыматтарга караганда ал ур-токмоктон көз жумду деп божомолдонуп жатат.
Бул тууралуу Жалал-Абад ички иштер башкармалыгы ЖМКга билдирди.
Маалымат боюнча, 27-январда Октябрь айылындагы ооруканага 2017-жылы туулган А.Б. аттуу баланын сөөгү түшкөн. Анын денесинде ур-токмоктоонун тагы болгон.
Бул факты кылмыш жана жоруктар реестрине катталган.
Чарчап калган баланын атасы Россияда иштээри, апасы 2019-жылы каза тапканы маалым болгон.
Бул иш боюнча Д.А. суракка алынды.
Муну бөлүшүү
