Өзбекстанда өкмөт отставкага кетти
- 5 лет мурун
Өзбекстандын өкмөтү жаңы шайланган Олий Мажлиске ыйгарым укуктарын тапшырганы тууралуу билдирүү жөнөттү.
Өзбекстандын премьер-министри Абдулла Арипов кол койгон кайрылуу алгач мыйзам чыгаруу палатасына, андан соң сенаттын жаңы мүчөлөрүнө тааныштырылды. Эки палата тең өкмөттүн отставкасын кабыл алды.
Премьер-министрдин талапкерлиги бүгүн, 21-январда парламенттин төмөнкү жана жогорку палатасынын биргелешкен жыйынында каралып, бекитилери күтүлүүдө.
Буга чейин депутаттык көп мандатка ээ Өзбекстандын либералдык-демократиялык партиясы президентке премьер-министрдин кызматына кайрадан Абдулла Ариповдун талапкерлигин сунуштаган.
Министрлер кабинети премьер-миинстрдин сунушу менен Мыйзам чыгаруу палатасы колдогондон кийин президент тарабынан бекитилет.
Сүрөт: ТАСС.
