Зеленскийдин басма сөз жыйыны 14 саатка созулду

  • 4 года мурун

Украинанын президенти Владимир Зеленскийдин 10-октябрдагы басма сөз жыйыны 14 саатка созулуп, ал «прессмарафон» деген аталышка ээ болду.

Мамлекет башчынын маалымат каражаттарынын өкүлдөрү менен жолугушуусу Киевдеги «Фуд маркет» тамактануучу жайында өттү. Ага ондогон журналист суроо берип, көбүнчө анын АКШ президенти менен болгон сүйлөшүүсүнүн айланасындагы талаш-тартыштарга жана Донбасстагы абалга байланыштуу болду.

Зеленский бул суроолорго жооп берип жатып, ал Украинанын Кошмо Штаттардын ички саясатына аралашуусун каалабай турганын айтып, телефондук сүйлөшүү маалында Трамп ага эч кандай басым кылбаганын билдирди.

Донбасс жөнүндө айткан украин лидери анын эң башкы максаты — тынчтыкка жетишүү экенин баса белгиледи.

Өздөрүн «ДНР» жана «ЛНР» деп атап алган аймактарга өзгөчө макам берүү каралган «Штайнмайер формуласы» аттуу документ Украинада жапырт нааразылыктарды жаратууда.

Зеленский «жаңы майдандан» коркпой турганын белгилеп, тиешелүү мыйзамга кол коюлмайынча, «ДНР» жана «ЛНРге» өзгөчө макам берилбей турганын билдирди. Зеленскийдин айтымында, бул маселе «норманд форматындагы» саммиттен кийин чечилет, бирок ал үчүн тараптар Украина чыгышындагы күчтөрүн артка кайтарышы керек. Зеленский бул үчүн жоопкерчиликти жикчилдерге жүктөп, алар аскерлерин алып кетпей жатканын айтты.

Ошол эле маалда ал Крым маселесинин «норманд форматында» талкууланышын каалай турганын кошумчалады. Ал бул окуялардын бардыгы 2014-жылы жарым аралдын аннексиясынан кийин башталганын баса белгиледи.

Өз кезегинде Орусия президентинин жардамчысы Юрий Ушаков Донбасстагы аскерлерди артка алып кетүүнү Украина кечеңдетип жатканын билдирди.

Булак: Борбор Азия жаылыктар кызматы.

Сүрөт: Интернет булактарынан.

Муну бөлүшүү

Окшош жаңылыктар

Журналисттик иликтөөлөр

Помочь проекту

договором оферты