Үйүндө колун байлап салышкан секелек кызды 6 айга балдар борборуна жиберишти
- 5 лет мурун
Аламүдүн районунун Таш-Дөбө айылындагы үйдө 9 жашар кыздын колун байлап салышкан.
Бул тууралуу Чүй облустук ИИБ басма сөз кызматы кабарлады.
Аламүдүн районунун жашы жете электер менен иштөө бөлүмү жана райондук үй-бүлө жана балдар бөлүмү 26-июлда таалимсиз үй-бүлөлөрдү кыдыруу учурунда секелек кыздын колун байлап койгон көрүнүшкө туш болду.
Ал үйдө 1950-жылы туулган К.Т. 1978-жылы туулган К.М. аттуу кызы жана 2010-жылы туулган Ш.В. аттуу небереси менен жашай турганы аныкталган.
Секелек кыздын үйдөн качып кетип турганы жана сөз укпаганы үчүн таенеси 2005-жылы туулган дагы бир небересине колун байлатып салган.
Кыздын апасы Бишкекке кеткен боюнча келген эмес. Атасы 8 жыл мурда каза болуп калган.
Ал факты Кылмыш жана жоруктардын бирдиктүү реестрине катталган.
Секелек кыз алты айга Бишкектеги балдар борборуна алынды.
Сүрөт: Чүй ИИБ басма сөз кызматы.
