Алмазбек Атамбаев: “Укуктук талаадан чыгып кеттик”
- 5 лет мурун
Мурдагы президент Алмазбек Атамбаев Жогорку Кеңеш тарабынан экс-президенттик статустан ажыратылгандан кийин Кой-Ташта чогулган тарапташтары менен жолугушуп, журналисттердин суроолоруна жооп берип, бул бийликтин тушунда бир жыл мурун укуктук талаадан чыгып кеттик деп айтты.
-Биз бир жыл мурун укуктук талаадан чыгып кеттик. Тилекке каршы бул бийликтин учурунда биз ага кайрылып барбайбыз. Бул бийлик өзүнүн кишилерин жактайт, жакпаган башкаларды кандай да болбосун, күнөө таап, камайт, — деди Атамбаев.
Ошондой эле ал өлкөдөн качпай турганын да айтты.
Ал эми Сооронбай Жээнбековдун легитимдүү президент экендиги шек жаратарын билдирди.
Жогорку Кеңеш бүгүн, 27-июнда, Алмазбек Атамбаевди экс-президенттик статустан ажыратуу боюнча токтом кабыл алды.
Сүрөт: Интернет булактарынан.
