Ат-Башыда экстремист уюм мүчөлөрү кармалды
- 5 лет мурун
19-июнда Улуттук коопсуздук комитети ИИМ менен бирге Кыргызстанда тыюу салынган диний-экстремисттик «Хизбут-Тахрир» уюмунун мүчөсү болгон 6 кишинин Нарын областындагы Ат-Башы районунда жашаган жерлеринде тинтүү жүргүзгөн.
Бул тууралуу УКМК басма сөз кызматы кабарлады.
Анын жыйынтыгында тыюу салынган экстремисттик «Хизбут-Тахрир» уюмунун адабияты, уруксат берүүчү документсиз ок атуучу куралдар, 5,45 мм калибр гильзалары, ок-дары салынган темир идиш, бытыра, ноутбук, телефондор жана сим-карталар табылган.
Бул факт боюнча сотко чейинки өндүрүштүн материалдары Кылмыш-жаза кодексинин 314-беренеси, экстремисттик уюмду түзүү боюнча Кылмыштардын жана жоруктардын бирдиктүү реестрине катталды.
Кармалган кишилер Нарын шаардык ИИБ убактылуу кармоочу жайына киргизилди. Тергөө жүрүп жатат.
