Орокто кармалган жергиликтүү Кеңеш депутаты үй камагына чыгарылды
- 5 лет мурун
Орок айылында жаңжалдан кийин кармалган жергиликтүү кеңештин депутаты Кылычбек Бокоев үй камагына чыкты.
Бул тууралуу Кыйноону алдын-алуу борборунун жетекчиси Нурдин Сулайманов билдирди.
Жергиликтүү кеңештин депутатын үй камагына чыгаруу чечимин Сокулук районунун соту кабыл алган.
Кечээ, 5-июнда, Төмөнкү Орокто айт намаздан кийин чыгып баратып үч өспүрүм мушташа кеткен, жабыркаган экөө азыр ооруканада жатат, бири нейрохирургия бөлүмүндө.
Факт Кылмыш менен жоруктардын бирдиктүү реестрине 266-берене («Ээнбаштык») менен катталды. Андагы жаңжалдан кийин 32 киши кармалып, кайра кое берилгенин ИИМ кабарлаган.
Муну бөлүшүү
