Экс-баш прокурор Аида Салянова кармалды
- 5 лет мурун
Кримтөбөл Азиз Батукаевдин мыйзамсыз чыгып кеткенине байланыштуу кылмыш иши боюнча мурунку Баш прокурор Аида Салянова бүгүн камакка алынганы тууралуу кабарланууда.
Азырынча бул маалыматты укук коргоо органдары расмий тактай элек.
Өздүк булактардын маалыматына караганда, Салянова жаш балалуу экенине байланыштуу үй камагына чыгарылышы мүмкүн.
Буга чейин «ПолитКлиника» медиасы Батукаевдин иши боюнча камакка алынып жаткандардан кезек Аида Саляновага келгенин өздүк булактарыбызга таянып жазган элек.
Анда Салянова прокурорлордун бирөөнү камактан чыгарууга ыйгарым укугу жоктугун, Алмазбек Атамбаев ага көрсөтмө бергидей анын жакын адамдарынын катарына кирбегенин айткан.
Муну бөлүшүү
