«Salam» бренди менен жаңы уюлдук байланыш оператору ачылат
- 5 лет мурун
«Альфа Телеком» Кыргызстандын рыногунда «Salam» бренди менен төртүнчү уюлдук байланыш операторун бир айдын ичинде ишке киргизүү милдетин өзүнө алды.
Бул тууралуу Өкмөттүн басма сөз кызматы билдирди.
Премьер-министр Мухаммедкалый Абылгазиевдин айтымында, бул сыяктуу өнөктөштүк өлкөнүн ири салык төлөөчүлөрүнүн бири болгон «Альфа Телеком» компаниясынын кирешесине оң таасир берет.
Кеңешмеде биргелешкен ишмердүүлүктөн түшкөн киреше «Альфа Телеком» пайдасына – 67%, ал эми «КТ Мобайл» үчүн – 33% принциби боюнча бөлүштүрүлөрү айтылды.
«Альфа Телеком» — «КТ Мобайл» компнаиясы менен жыштыкты биргелешип пайдалануу жөнүндө уюлдук операторлор арасындагы аукциондун жеңүүчүсү болгон.
Муну бөлүшүү
