Сузакта үйлөрдү суу каптады
- 5 лет мурун
Жалал-Абад облусунун Сузак районунда катуу жааган жамгырдан, ички чарбалык селден улам арыктардан суу ашып, 9 турак үйдүн короо- жайын суу каптады.
Бул тууралуу Өзгөчө кырдаалдар министрлиги билдирди.
10-апрелде болжол менен саат 08:40тар чамасында нөшөрлөгөн жаандан улам, жамгыр суусу ички чарбалык арыкка батпай, Караган айылындагы Железнодорожный көчөсүндө жайгашкан үйлөрдүн короосун каптай баштаган.
Ал эми, саат 11.50 чамасында сел арыктан Кызыл-Туу айылындагы Железнодорожный көчөсүндө жайгашкан дагы 4 үйдүн короосун каптаган.
Тартылган күч-аракеттин натыйжасында суунун нугун бурууга жетишилди.
Сүрөт: ӨКМ басма сөз кызматы.
Муну бөлүшүү
