​Кайсы өлкө жарандары канча жашта картаят? Кыргызстандыктарчы?

Медициналык Lancet басылмасына жарыяланган окумуштуулардын эл аралык тобунун иликтөөсүндө кайсы өлкө жарандары канча дашынан картаяры тууралуу жазылган.

Изилдөөнүн авторлору дүйнө өлкөлөрүнүн калкы карыларга мүнөздүү оорулар менен жабыркай баштай турган орто куракты эсептеп чыгышкан.

Орусия жарандары үчүн карылык 59 жашта келет. Бул курак Тажикстан, Беларусь, Грузия (баарында тең 60 жаштан), Кыргызстан, Литва жана Латвия (61 жаштан) өлкөлөрүнө салыштырмалуу төмөн.

Ал оорулардын тизмесине 92 дарт, анын ичинде Альцгеймер, Паркинсон, гипертония, катаракта жана глаукома оорулары киргизилген.

Дүйнө боюнча карылык ооруларына кабылгандардын орточо жашы 65 жашты түзөт. Карылык 59 жашта келген орусиялыктар дүйнөдөгү 159 өлкөнүн жашоочуларынан тез картаят.

Бул 2018-жылдагы реформадан кийин белгиленген пенсия курагынан жана Беларусь, Индия, Индонезия, Түштүк Африка жана Эфиопия өлкөлөрүндөгү карылык курагынан төмөн.

Изилдөөгө ылайык, эң кеч картайган адамдар Жапония (76,1 жыл), Швейцария (76,1), Франция (76) жана Сингапур (76) өлкөлөрүндө жашайт.

Ал эми Папуа – Жаңы Гвинея (45,6), Маршалл аралдары (51) жана Ооганстан (51,6) жарандары эң эрте картайгандардын сап башында.