Казакстан Кыргызстандан барчу картошка, алма, курмага чектөөнү алып салды
- 5 лет мурун
28-февралда Астана шаарында КР вице-премьер-министри Жеңиш Разаков Казакстан Премьер-министринин орун басары менен ветеринария, фитосанитария жана суу-энергетика чөйрөсүндөгү маселелер боюнча сүйлөшүү жүргүзүп, айрым азыктарды чектөөнү алып салууга жетишилди. .
19-февралда киргизилген Казакстанга картошка, алма жана курманы ташууга убактылуу чектөө киргизүүнү алып салуу боюнча документке кол коюлду.
Мындан тышкары кыргыз-казак чек ара тилкесинде көзөмөлдү алып салуу жөнүндө маселе талкууланган.
Тараптар айланма Чүй-2 каналынын курулушу, ошондой эле Чүй дарыясынын бассейниндеги сууну эсептөөчү автоматташтыруу боюнча өз ара түшүнүшүүгө жетишишти.
Сапардын жүрүшүндө Казакстан Премьер-министри Аскар Мамин вице-премьер-министр Жеңиш Разаков баштаган Кыргызстан делегациясын кабыл алды.
