1-класска кирүү үчүн электрондук каттоо башталды
- 1 год мурун
1-класска кирүү үчүн электрондук каттоо бүгүн, 10-апрелде, башталды.
Электрондук каттоо эки этапта жүргүзүлөт. Биринчи этап – юридикалык жашаган жери боюнча (10-апрелден 25-июнга чейин), экинчи этап – жашаган жерине карабастан (26-июндан 31-августка чейин).
Бул тууралуу билим берүү жана илим министрлиги билдирди.
Электрондук каттоо боюнча биринчи класска өтүнмө берүү үчүн, уюлдук телефон же компьютер аркылуу интернетке кирүү керек. https://mektep.edu.gov.kg/ порталын ачып, башкы беттеги көрсөтмөлөрдү аткаруу зарыл. Сиздин суроолорго жооптор жана нускамалар порталдын башкы бетинде бар.
10-апрелден тарта дүйшөмбүдөн жумага чейин саат 9:00дөн 18:00гө чейин жарандарга кеңеш берүү үчүн 110 телефону иштей баштайт. Чалуу акысыз.
Муну бөлүшүү
