​Туруктуу коррупциялык схема түзгөн дагы бир бажы башчысы камакка алынды

Жаңылыктар

УКМК Түштүк-батыш бажы кызматынын башчысы Нурбек Айтмаматовду 10 – июнь күнү камакка алган.


Аны «мыйзамсыз баюу» фактысы боюнча шектүү катары сот 2 айлык мөөнөткө Улуттук коопсуздук мамлекеттик комитетинин тергөө абагына камоо чечимин кабыл алган.


«Н.Айтмаматов өзүнүн кызматтык ыйгарым укуктарынан пайдаланып, Түштүк-батыш бажысындагы жүктөрдү туура эмес декларациялоо, товарларды «жалган транзиттөө» менен коштолгон коррупциялык схемаларды уюштургандыгы аныкталды.


Мунун натыжайсында ири өлчөмдөгү көмүскө киреше алып турган», - дейт УКМКнын маалымат кызматы.


Айтмаматов көмүскө пайдаларын мыйзамдаштыруу үчүн кымбат- баалуу кыймылдуу жана кыймылсыз мүлктөрдү, тактап айтканда, 4,5 млн долларга бааланган 30дан ашык элиталык батирлерди,1 млн долларга бааланган 10дон ашык автоунааларды сатып алган.


Фото интернеттен алынды