​Карамушкина: “Алмазбек Атамбаев Кой-Ташта эле. Ал - коргонууда”

Жаңылыктар

КСДП фракциясынан Жогорку Кеңештин депутаты Ирина Карамушкина “Апрель” телеканалынын фейсбук баракчасындагы түз эфиринен чыгып, Алмазбек Атамбаев Кой-Ташта эле экенин, ал кармалбаганын билдирди.

“Алмазбек Атамбаев - Кой-Ташта эле. Ал - коргонууда” деп айтты Ирина Карамушкина.

Буга чейин айрым тарапташтары Алмазбек Атамбаевди атайын аскерлер кармап кетишкенин билдирген.

Бүгүн, 7-августта, Кой-Таштагы үйүндө Алмазбек Атамбаевди кармоо операциясы жүрдү.

Ирина Карамушкина Президент Сооронбай Жээнбековго кайрылып, Кой-Таштагы ээнбаштыкты, адамдарды атып жарадар кылууну токтотууну талап кылаарын билдирди.

Атайын операция учурунда мурдагы президент Атамбаевдин Кой-Таштагы үйүндө ондогон кишилер жарадар болгонун, анын ичинде УКМК мурдагы төрагасы Абдил Сегизбаев, Жогорку Кеңештин мурдагы депутаттары Мээрбек Мискенбаев, Нурбек Касымбеков жана 24 kg агенттигинин журналисти Аида Жумашева бар.

ЖаңылыктарКыргызстанКой-ТашАлмазбек Атамбаевкармооатайын аскер