Зындан көлүндө жырылган абал турукташып, эвакуациялангандар үйлөрүнө кайтты
- 4 недели мурун
Ысык-Көл облусунун Тоң районунун аймагында абал турукташкандыгына байланыштуу, 22-августта коопсуз жайга эвакуацияланган жарандар үйлөрүнө кайтышты.
Бул тууралуу өзгөчө кырдаалдар минситрлиги (ӨКМ) билдирди.
Айыл аймак тарабынан 2 экскаватор, жүктөгүч, бульдозер тартылып, коктудан түшкөн суунун нугун Тоң суусуна буруп, суу каптоо коркунучу жоюлган.
Учурда жеринде райондук жарандык коргонуу кызматтарынан турган нөөмөт уюштурулган.
21-августта Зындан көлү жырылып, Б.Мамбетов айыл аймагына тиешелүү Туура-Суу айылына, Балык завод тилкесинде жашагандарга кооптуулук жаралган.
Сүрөт: ӨКМ
Муну бөлүшүү
