Журналист Арзыгүл Галымбетова көз жумду
- 2 года мурун
AKИpress маалымат агенттигинин аймактык кабарчысы Арзыгүл Галымбетова көз жумду.
Арзыгүл Галымбетова кийинки кездери, айрыкча кыргыз-тажик чек ара жаңжалын чагылдырууда талыкпай иштегендиги менен белгилүү болгон эле. Арзыгүл кыргыз-тажик чек ара жаңжалын чагылдырууда биринчилерден Баткен облусунун аймактарын кыдырып, окуяны болгон жеринен кабардар кылып турган мыкты журналисттерден эле.
Арзыгүл Галымбетова 1984-жылы Баткен шаарында туулган. 2009-жылы Карасаев атындагы Бишкек гуманитардык университетинин журналистика жана маалыматтык систамалар факультетин аяктаган.
“Манас жаңырыгы” телерадио компаниясында, “Кыргыз обондору” радиостанциясында, “КТР-ОБО” гезитинде, 2010-жылдан бери АКИpress агенттигинде иштеген. Ошондой эле Баткен ТВда да иштеген.
Баткен ТВ бул тууралуу мындай деп жазды:
Журналист Арзыгүл Галымбетованы акыркы сапарга узатуу зыйнаты 26-мартта саат 18:00 дө Баткен шаарында өтөт.
“ПолитКлиника” медиасынын жамааты жаш чагында арабыздан эрте кеткен Арзыгүл Галымбетованын жакындарына, кесиптештерге терең кайгыруу менен көңүл айтат.
Сүрөттө: Арзыгүл Галымбетова. Социалдык тармактан.
