Жогорку Кеңеш мамлекеттик тилге байланыштуу мыйзам долбоорун колдоду
- 11 месяцев мурун
Бүгүн, 31-майда, Жогорку Кеңештин жыйынында “Кыргыз Республикасынын мамлекеттик тили жөнүндө” конституциялык мыйзамдын долбоору үчүнчү окууда каралып, жактырылды.
Жыйында баяндама жасаган cоциалдык саясат боюнча комитеттин төрайымы Винера Раимбачаева белгилегендей, мыйзам долбоору Кыргыз Республикасынын мамлекеттик тилин колдонуунун укуктук негиздерин түзүүгө жана мамлекеттик тил саясатын ишке ашырууга багытталган.
“Сунушталган мыйзамдын долбоору колдонуудагы “Кыргыз Республикасынын мамлекеттик тили жөнүндөгү” мыйзамдын жоболорунун жана аларга карата жүргүзүлгөн талдоонун негизинде эксперттердин, окумуштуулардын жана жарандардын сунуштарын эске алуу менен иштелип чыккан” деди В.Раимбачаева.
Сүрөттө: kenesh.kg
Муну бөлүшүү
