Жээгинен ашып ага баштаган Көл-Төрдүн суусу агызылууда
- 1 месяц мурун
Чүй районунун Кегети капчыгайында жайгашкан, деңиз деңгээлинен 2725 метр бийиктиктеги Көл-Төр көлүнүн деңгээли Өзгөчө кырдаалдар министрлигинин (ӨКМ) куткаруучулары тарабынан азайтылууда. Бул тууралуу аталган министрликтин басма сөз кызматы билдирди.
Маалыматта айтылгандай, Көл-Төрдүн суусу мөңгүлөрдүн эрүүсүнөн жана жааган жамгырдан улам көбөйүп, жээгинен ашып ага баштаган. Мындан улам куткаруучулар 2 күн катары менен сифон ыкмасында 150-диаметр болгон 130 метрлик гофро түтүктөрүн 3 катар орнотуп, көл суусун агыза башташкан.
Көлдүн суусу көбөйсө дагы, анын табигый дамбасы эрозияга учураган эмес жана кооптуулук байкалган эмес айтылат ӨКМнын билдирүүсүндө.
Сүрөт: Интернет булактары
Муну бөлүшүү
