Жалал-Абадда турак үйдөн өрт чыгып, бир адам каза тапты
- 3 года мурун
Жалал-Абадда турак үйдөн өрт чыгып, бир адам иске ууланып каза тапты. Бул тууралуу Өзгөчө кырдаалдар министрлигинин басма сөз кызматы кабарлады.
Маалыматка ылайык, 2-март саат 09:25де Жалал-Абад облусунун Базар-Коргон шаарына караштуу Сай-Коргон айылынында турак үйдөн өрт чыккандыгы тууралуу маалымат түшкөн.
Кырсык болгон жерге ӨКМден эки бөлүмү тартылып, өрт саат 09:45те чектөөгө алынган, саат 10:57де толук өчүрүлгөн.
Кырсыктын кесепетинен 38 жаштагы А.С. аттуу эркек киши түтүнгө ууланып каза болду.
Учурда өрттүн келип чыгуу себеби жана материалдык чыгым такталууда.
Муну бөлүшүү
