Ысык-Көлдүн Кызыл-Өрүк айылында күн электр станциясы курулат
- 3 дня мурун
1-декабрда Министрлер Кабинети, энергетика министрлиги, Sonningdale Limited жана «РЭЦА» компанияларынын ортосундагы Инвестициялык макулдашуусуна кошумча макулдашууга кол коюлду.
Иш-чара энергетика министри Таалайбек Ибраевдин, инвестор өкүлдөрүнүн жана «РЭЦА» компаниясынын жетекчилигинин катышуусунда өттү.
Энергетика министрлиги билдиргендей, кошумча макулдашууга кол коюу Ысык-Көл районунун Тору-Айгыр айыл аймагынын Кызыл-Өрүк айылында күн электр станциясын куруу жана эксплуатациялоо долбоорун ишке ашыруудагы маанилүү этап болуп калды.
Жумушчулар үчүн убактылуу турак-жай куруу иштери аяктоодо, подстанциянын пайдубалы жана 110 кВ электр берүү линиясы куюлууда, ошондой эле күн панелдери үчүн кронштейндер орнотулууда.
Иллюстрациялык сүрөт: Интернет булактарынан
