Ысык-Көл: Булан-Сөгөттү, Корумду, Темир айылдарына куткаруучулар тартылды
- 1 месяц мурун
Кечээ, 18-августта, түнкү саат 21:30 чамасында жааган жамгырдын кесепетинен Ысык-Көл районунун Булан-Сөгөттү, Корумду Темировка айылдарында жана «Ысык-Көл Аврора» эс алуу жайын сел суулары каптады.
Бул тууралуу өзгөчө кырдаалдар министрлиги (ӨКМ) билдирди.
Жерине райондук жарандык коргонуу кызматынын күч каражаттары жана ӨКМдин Ысык-Көл району боюнча өзгөчө кырдаалдар бөлүмүнөн 10 куткаруучу жана Каракол шаардык N 15 өрткө каршы-куткаруу бөлүгүнөн 5 куткаруучу авариялык куткаруу унаасы мотопомпа менен тартылууда.
Селден улам Жети-Өгүз, Тоң райондорунда өзгөчө кырдаал жарыяланды.
12-августта селдин кесепеттерин жоюу максатында Чолпон-Ата шаарына өзгөчө кырдаал режими киргизилди.
Сүрөт: ӨКМ видеосунан алынды
Муну бөлүшүү
