Улуттук банк 20 күндө 63 кг алтын куймасын сатты
- 2 года мурун
Улуттук банк 28-февралдан 22-мартка чейин 413,3 млн сомго 63 кг алтын куймасын сатты. Бул тууралуу банктын расмий сайтында айтылат.
Башкы каржы көзөмөл мекемесинен билдиришкендей, учурда алтындын бардык куймаларына суроо-талап болууда.
Президент Садыр Жапаров 28-февралда кайрылуу жасап, чет элдик валюталарды сатып алып жаткан кыргызстандыктарды Улуттук банктан алтын сатып алууга чакырган. Кийин 1-мартта алтын сатып алууну каалаган жарандардын кезеги көбөйгөнүн билдирген.
Улуттук банк март айына карата алтын валюта кору 2,7 млрд. АКШ доллардан ашык каражатты түзөрүн билдирген.
Муну бөлүшүү
