Токтогул атындагы мамлекеттик сыйлыкты ыйгаруу жарлыгы чыкты
- 2 года мурун
Президент Садыр Жапаров «Кыргыз Республикасынын адабият жана искусство жаатындагы Токтогул атындагы мамлекеттик сыйлыгын ыйгаруу жөнүндө» жарлыкка кол койду.
Жарлыкка ылайык, 2020-жыл үчүн Кыргыз Республикасынын адабият жана искусство жаатындагы Токтогул атындагы мамлекеттик сыйлыгы төмөнкүлөргө ыйгарылды:
УсубалиевТаалайбекке, сүрөтчү — медицина кызматкерлеринин жана ыктыярчылардын COVID-19 пандемиясы менен күрөшү, ошондой эле коронавирустун курмандыктары жөнүндө картиналардын сериясы үчүн;
«Саманчынын жолу» спектакли үчүн Токтоболот Абдумомунов атындагы Кыргыз улуттук академиялык драма театрынын төмөнкү автордук жамаатына:
— Сыдыгалиева Анарага, актриса — Толгонайдын ролун аткаргандыгы үчүн;
— Жанжигитов Даниярга актер — Майсалбектин ролун аткаргандыгы үчүн;
— Конушбаев Алымгазыга, сүрөтчү-сценограф — оюндун сценографиясы үчүн.
Сүрөт: «Саманчынын жолу» спектаклинен. Интернет булактарынан.
