Президентти жана ЖК депутаттарын шайлоо мыйзамына өзгөртүүлөр киргизилди

Президент  Садыр Жапаров президентти жана Жогорку Кеңештин (ЖК)  депутаттарын шайлоо жөнүндө конституциялык мыйзамына өзгөртүүлөрдү киргизүү тууралуу” мыйзамга 28-апрелде кол койду.

Мыйзам 2025-жылдын 16-апрелинде Жогорку Кеңеши тарабынан кабыл алынган.

Бул мыйзамдын максаты мыйзамдын 48-беренесинин 1-бөлүгүнүн ченемин Конституциясы жөнүндө мыйзамдын 3-беренесинин 1-бөлүгүнө ылайык келтирүү жана президенттин кезектеги шайлоонун мөөнөттөрүн тактоо болуп саналат.

Ушуга байланыштуу, конституциялык мыйзамдын 48-беренесинин 1-бөлүгү төмөнкүдөй редакцияда баяндалган:

1. Президентти кезектеги шайлоо иштеп жаткан президенттин шайланган ыйгарым укуктарынын мөөнөтү аяктоочу жылдын январь айынын төртүнчү жекшембисинде өткөрүлөт жана шайлоо күнүнө чейин 4 айдан кечиктирбестен Жогорку Кеңеш тарабынан дайындалат.”

Мындан тышкары, президенттик шайлоого катышууга талапкердин жаш курагына байланыштуу мыйзамдын 50-берененин 3-бөлүгүндө “35 жаштан төмөн эмес” деген сөздөр “добуш берүү күнүнө карата 35 жашка чыккан” деген сөздөргө алмаштырылган.