Президент Жапаров Швейцариянын Президенти Иньяцио Кассис менен жолугушту

  • 2 года мурун

Президент Садыр Жапаров Нью-Йорк шаарында, БУУнун Башкы Ассамблеясынын 77-сессиясынын алкагында, Швейцария конфедерациясынын Президенти Иньяцио Кассис менен жолугушту.

Мамлекеттер үчүн эки тарапка тең пайдалуу болгон бардык багыттар боюнча кызматташуунун учурдагы абалы жана келечеги, ошондой эле кыргыз-тажик мамлекеттик чек арасындагы кырдаал талкууланды.

Эки тараптуу кызматташтык тууралуу сөз кылып, Садыр Жапаров кыргыз тарап Швейцария менен  саясий диалогду активдештирүүгө кызыкдар экендигине көңүл бурду.  Мындан тышкары, курчап турган чөйрөнү коргоо жаатында кызматташууга карата Кыргызстан климаттын өзгөрүшүнө ыңгайлашуу жана бардык деңгээлдеги туруктуулукту жогорулатуу маселелерине чоң маани берет.

Чек арадагы кырдаал тууралуу сөз кылып, Президент Садыр Жапаров тажик тарап Кыргызстандын чек арасына аскерлерин алдын ала алып чыгып, куралдуу күчтөрүн жана оор аскердик техникасын колдонуу менен Кыргызстандын аймагындагы чек ара жана жарандык объектилерге, калктуу конуштарга чыккынчылык менен кол салганын баса белгиледи. Ошол эле учурда ал күжүрмөн аракеттер кыргыз аймагында болгонун баса белгиледи.

Өз кезегинде Швейцариянын Президенти Иньяцио  Кассис эки тараптуу жакшы мамилелерди чыңдоо жана мындан ары өнүктүрүү ниетин баса белгиледи. Ал Президент Садыр Жапаровдун президенттик мөөнөтүнүн башынан бери баштап келе жаткан бардык демократиялык демилгелерин колдоого даярдыгын белгиледи.

Иньяцио  Кассис Мамлекет башчысына кыргыз-тажик мамлекеттик чек арасындагы кырдаалга байланыштуу көңүл айтты.

Муну бөлүшүү

Окшош жаңылыктар

Журналисттик иликтөөлөр

Помочь проекту

договором оферты