Президент «Атаандаштык жөнүндө» мыйзамга өзгөртүүлөрдү киргизди
- 3 года мурун
Президент Садыр Жапаров «Кыргыз Республикасынын «Атаандаштык жөнүндө» Мыйзамына өзгөртүүлөрдү киргизүү жөнүндө» мыйзамга кол койду. Бул тууралуу президенттин басма сөз кызматы билдирди.
Аталган мыйзам долбоору Жогорку Кеңеш тарабынан 2021-жылдын 22-декабрында кабыл алынган.
Президенттик администрациядан билдиришкендей, кабыл алынган мыйзам монополияга каршы жөнгө салууну жакшыртууга багытталган.
«Атаандаштык жөнүндө» мыйзамдын максаты — мамлекеттик ишканаларга артыкчылыктарды берүү жана катышуучулары алар менен аффилирленген жактар жана/же адамдардын тобу болуп саналган чарба жүргүзүүчү субъекттерди түзүү аркылуу товардык рыноктордо атаандаштыкты чектөөгө жана рынокту монополдоштурууга жол бербөө болу саналат», — деп айтылат маалыматта.
Муну бөлүшүү
