Palm Beach эс алуу жайындагы мушташ: Бир нече жаран кармалды

1 год мурун

13-июль күнү Ысык—Көл районуна караштуу Чок—Тал айылында жайгашкан “Палм Бич” эс алуу жайында көл жээгинде жарандардын ортосунда жаңжал чыгып, ал мушташ менен жыйынтыкталган.

Бул тууралуу Ысык-Көл облустук ички иштер башкармалыгынын (ОИИБ) басма сөз кызматы билдирди.

Аталган факты Ысык-Көл райондук ички иштер башкармалыгыгын (РИИБ) маалыматтык электрондук журналына катталып, окуя болгон жерге ыкчам-тергөө тобу дароо жөнөтүлгөн.

Алдын ала териштирүү иштеринин жүрүшүндө, болжол менен саат 18:30 чамасында пирс аймагында эс алуучулар менен куткаруучулардын ортосунда пикир келишпестик жаралгандыгы аныкталган. Маалыматка ылайык, куткаруучулар коомдук тартипти сактоо максатында эс алуучуларга эскертүү берген учурда, эс алуучулардын бири куткаруучуну ур-тепкиге алган. Натыйжада, окуяга эс алуучулар, куткаруучулар жана эс алуу жайынын күзөтчүлөрү аралашып, жапырт мушташ орун алган.

Мушташка катышкан жарандардын тек-жайы такталып, төмөнкүлөр Ысык-Көл РИИБге жеткирилген:

• А.А., 1999-жылы туулган, Бишкек шаарынын тургуну;

• К.А. 1996-жылы туулган, К.К., 1999-жылы туулган, жана М.Б., 1999-жылы туулган, Жалал-Абад шаарынын тургундары;

• К.А., 1999-жылы туулган, Жалал-Абад облусунун Барпы айылынын тургуну;

• А.Т., 1999-жылы туулган, Сузак районунун Жаны-Дыйкан айылынын тургуну.

Алар тергөө кызматкерлерине өткөрүлүп берилген жана алардын аракеттерине юридикалык баа берилүүдө.

Учурда тергөөгө чейинки текшерүү иштери жүрүүдө.