Нарын мамлекеттик жаратылыш коругунда: Жаныбарлардын жашоо чөйрөсү
- 12 месяцев мурун
- Фоторепортаж
Нарын мамлекеттик жаратылыш коругунда 23-июлда экоыктыярчылар менен биргелешип 10 күндүк илимий-изилдөө экспедициясы уюштурулду.
Бул тууралуу жаратылыш ресурстары, экология жана техникалк көзмөл министрлиги расмий сайтында билдирди.
Маалыматта айтылгандай, экспедициянын негизги максаты – жапайы жаратылышты көзөмөлдөө, биологиялык ар түрдүүлүктүн абалын баалоо жана мурдагы жылы орнотулган фотокапкандар аркылуу маалымат чогултуу болду. Иш-чара учурунда жаныбарлардын жана канаттуулардын жүрүм-турумуна мониторинг жүргүзүлүп, жаратылыштын учурдагы экологиялык абалы боюнча бир катар илимий байкоолор жүргүзүлдү.
Фотокапкан аркылуу жапайы жаныбарлардын жашоо чөйрөсү жана популяциясы тууралуу баалуу маалыматтар алынып, алар коруктун илимий архивине киргизилди. Мындай иш-чаралар жаратылышты сактоо, экосистеманын туруктуулугун камсыз кылуу жана коомчулуктун экологикалык аң-сезимин жогорулатуу багытында чоң мааниге ээ.
Фото: mnr.gov.kg
