Милиция кызматкерлери бир нече уурулук фактысына шектелген жаранды кармады
- 1 месяц мурун
- Видео, Жаңылыктар
Бишкек шаарынын Ленин райондук ички иштер башкармалыгына С.У. аттуу жаран арыз менен кайрылып, мындагы мечиттердин биринде калтырып кеткен барсеткасынан Redmi үлгүсүндөгү уюлдук телефону жана 5 600 сом акчасы уурдалганын билдирген.
Бул тууралуу Ленин райондук ички иштер башкармалыгы кабарлады.
Бул факты боюнча Ленин райондук ички иштер башкармалыгынын тергөө кызматы тарабынан кылмыш-жаза кодексинин 205-беренеси (Уурдоо) боюнча кылмыш иши козголгон.
Тергөө иш-чараларынын жүрүшүндө милиция кызматкерлери тарабынан кылмышка шектүү — 1996-жылы туулган Ш.С. аттуу жаран кармалган. Ал Ленин РИИБ тергөө кызматына жеткирилип, Бишкек шаардк ички иштер башкы башкармалыгынын (ИИББ) убактылуу кармоочу жайына киргизилген.
Ленин райондук сотунун токтому менен шектүүнү 4-ноябрга чейин камакта кармоо тандалып, №1 тергөө абагына киргизилген.
Тергөө улантылууда.
Сүрөт: Ленин райондук ИИБ
