Бишкек мэриясы шаар тургундарын айыл чарба жарманкелерине чакырат

Борбор шаардын төрт районунда дем алыш күндөрү айыл чарба жарманкелери өткөрүлөт.

Жарманкеде ата мекендик айыл чарба өндүрүүчүлөрү өздөрү өндүргөн продукцияларын сунуштайт. Бул сатып алуучуларга керектүү азык-түлүктөрдү ортомчуларсыз, түздөн-түз жергиликтүү өндүрүүчүлөрдөн сатып алууга мүмкүнчүлүк түзөт.

Жарманкелер ар аптанын ишемби жана жекшемби күндөрү төмөнкү даректерде өткөрүлөт:

— Биринчи май району: Турдакун Усубалиев атындагы эски аянт. Иштөө убактысы: саат 9:00дөн 17:00гө чейин;
— Ленин району: Тыналиев көчөсү, 38. Мечиттин батыш тарабында. Иштөө убактысы: саат 9:00дөн 19:00гө чейин;
— Октябрь району: Аалы Токомбаев көчөсү, 21/1Б. Иштөө убактысы: саат 8:00дөн 18:00гө чейин;
— Свердлов району: Айтматов жана Токтогул көчөлөрүнүн кесилишинде, ошондой эле Фере көчөсү, 33/1а дарегинде (мурдагы мал базардын аймагында). Иштөө убактысы: саат 7:00дөн 15:00гө чейин.

Иш-чаралар Суу ресурстары, айыл чарба жана кайра иштетүү өнөр жайы министрлиги менен биргеликте уюштурулууда.

Иллюстрациялык сүрөт: Бишкек мэриясы