Кытай Айдын аркы бетине космос аппаратын ийгиликтүү кондурду
- 3 месяца мурун
Бүгүн, 2-июнда, эртең менен Кытай Айдын аркы бетине, караңгы тарабына «Чанъэ-6» космос аппаратын ийгиликтүү кондурду.
Кытайдын космос улуттук башкармалыгы билдиргендей, аппарат Айдын топурагынын үлгүсүн алып келмекчи.
Космос аппараты май айынын башталышында Хайнан аралынын Вэньчан космодромунан учурулган.
Космостук аппарат 2-июнда эртең менен Айдын ар жак бетине Эйткен аттуу түштүк тарабына кондурулган.
«Чанъэ-6» аппараты эки күн ичинде Айдын аркы бетинин топурагынын үлгүсүн жыйнамакчы.
Синьхуа агенттиги билдиргендей, аппарат топурактын үлгүсүн алуу үчүн тиешелүү жабдыктар менен жабдылган.
«Чанъэ-6» аппаратынын иши ийгиликтүү аяктаса, кытай Айдын аркы бетинен топурактын үлгүсүн алган жер жүзүндөгү биринчи мамлекет болуп калмакчы.
Сүрөт: Russian.news.ch
