Кыргызстан Европа Биримдигинин авиация жаатындагы “кара тизмесинен” чыгуунун акыркы этабына келди   

Кыргызстан авиация жаатында эл аралык деңгээлде да ишенимдүү кадамдарды таштап жатат. Европа Биримдигинин “кара тизмесинен” чыгуу боюнча акыркы этапка келди.

Бул тууралуу президент Садыр Жапаров бүгүн, 8-сентябрда “Нарын” жана “Казарман” аэропортторун ачуу учурунда билдирди.

-Алдыда, 7-октябрда биздин Жарандык авиация агенттигинин делегациясы Брюсселде Еврокомиссия менен маанилүү жолугушуу өткөрөт. Андан кийин акыркы аудит 2025-жылдын декабрында болот.  Ошентип 2006-жылдан бери жабык турган Европа асманы Кыргызстан үчүн кайрадан ачыларына биз бекем ишенебиз. Биздин аэропортторубуз Европа өлкөлөрүнө 20 жыл бою жабык туруп, эми кайрадан ачылат” деди президент.

Европа Биримдиги2006-жылы Кыргызстандын авиакомпанияларына учактардын коопсуздукту сактоо талаптары эл аралык стандартка дал келбейт деген негизде өз аймагында учушуна тыюу салган. 

Иллюстарциялык сүрөт: Интернет булактарынан