Кыргызстан аркылуу Өзбекстанга мыйзамсыз өтүү учурунда Бангладеш жарандары кармалды
- 11 месяцев мурун
Улуттук коопсуздук мамлекеттик комитети (УКМК) контрчалгындоо иштерин уюштуруунун алкагында Кыргызстандын Өзбекстан менен мамлекеттик чек арасын мыйзамсыз кесип өтүү каналы аныкталып, токтотулду.
Бул тууралуу УКМК басма сөз кызматы кабарлады.
3-июнда чек ара кызматкерлери менен бирге Кара-Суу районунун Кызыл-Кыштак айыл аймагынын «Кум» чек ара тилкесинде Кыргыз Республикасынын мамлекеттик чек арасынан Өзбекстан Республикасы тарапка мыйзамсыз кесип өтүүгө аракет кылгандыгы үчүн (чек ара көзөмөл пунктунан тышкары) Бангладештин 4 жараны жана Өзбекстандын 1 жараны кармалды.
Ошондой эле көрсөтүлгөн убакытта Өзбекстандан Кыргызстанга мамлекеттик чек араны мыйзамсыз кесип өтүү фактысы боюнча жогоруда аталгандарга ортомчулук кызмат көрсөткөн 1994-жылы туулган Өзбекстандын жараны М.Н.Р. кармалган. Ал аталган чет элдик жарандарды Кыргызстандан Өзбекстан мамлекеттик чек арасын мыйзамсыз кесип өтүүгө көмөк көрсөтмөк.
Сүрөт: УКМК басма сөз кызматы
