Кыргыз-тажик чек арасы: Абал туруктуу
- 2 года мурун
2022-жылдын 4-июнуна саат 09.20га карата мамлекеттик чек аранын кыргыз-тажик тилкесинде абал салыштырмалуу туруктуу деп мүнөздөлөт.
Бул тууралуу Чек ара кызматынын маалымат жана коммуникациялар башкармалыгы билдирди.
Маалыматта айтылгандай, түн тынч өттү, эч кандай терс окуялар жана чыр-чатактар катталган жок.
Чек ара кызматынын өздүк курамы Кыргыз Республикасынын мамлекеттик чек арасын кайтаруу жана коргоо боюнча тапшырмаларды аткарууну улантышууда.
3-июнда саат 12:00 чамасында кыргыз-тажик чек арасында ок атылды. Окуя Булак-Башы айылында болду. Кыргыз-тажик чек арачылары бири-бирине карата ок чыгарышкан.
Андан Кыргызстан тараптан эки киши жаракат алган.
Сүрөт: Интернет булактарынан.
Муну бөлүшүү
