Курал сактоонун эрежелерин бузгандыгы үчүн жети жаранга айып салынды
- 1 год мурун
Бишкекте курал сактоонун эрежелерин бузгандыгы үчүн жети жарандын ар бирине 3000 сомдон айып салынды.
Бул тууралуу борбор шаардын Биринчи май райондук ички иштер башкармалыгы билдирди
1-июндан 30-июнга чейин райондун аймагында «Арсенал» аттуу алдын алуу иш-чарасы өтүп жатат.Иш-чаранын алкагында милиция кызматкерлери ок атуучу курал ээлерин, курал сатуучу дүкөндөрдү жана күзөт агенттиктерин куралды сактоо эрежелеринин жана каттоо мөөнөттөрүнүн сакталышын текшерүүдө.
Текшерүүнүн натыйжасында, 7 жаранга куралды сактоонун эрежелерин бузгандыгы үчүн ар бирине 3000 сомдон айып салынды.
ИИБ мыйзамсыз курал сактоо фактылары аныкталган учурда, күнөөлүү адамдар кылмыш-жаза кодексинин 268- (куралды мыйзамсыз даярдоо) беренесине ылайык жоопкерчиликке тартыларын эскертти.
Сүрөт: Рейд учуру. Биринчи май РИИБ
